هاجمت الفنانة المصرية لبنى ونس، الفنان محمد رمضان، بسبب تعرض ابنها الممثل الشاب يوسف عمر لحروق أثناء مشاركته في تصوير إعلان معه.
ونشرت لبنى ونس صوراً عبر حسابها على “فيسبوك”، تكشف خلالها الحروق التي تعرض لها ابنها، وعلقت: “إذا عملنا. كل حاجة طبيعية وحقيقية كنا هَلَكنا ولاتُلقوا بأيديكم إلى التهلُكة، يعنى إذا فى مشهد يا أستاذ محمد التمساح بياكلك نترحم عليك ويبقى آخر مشهد في حياتك”.
وتابعت ونس:”في مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم. بيتعاملوا معاه فى اللوكيشن كأنه إله هو المحور والكل يدور حوله”.
واتهمت لبنى ونس مصمم المعارك عصام الوريث بأنه السبب فيما حدث، وكتبت: “هل ممكن تتعرض لما حدث لإبني. فى التصوير معاك؟ مستحيل طبعا بتعمل أكشن وبتبقى عارف قبلها كل تفاصيله مرة وإتنين وعشرة واللي عاجبك بتوافق عليه واللى مش عاجبك بتغيره”.
ولمحت ونس إلى أن القنبلة التي استخدمت في الإعلان حقيقية، وقالت: “يعنى القنبلة التي زرعها عصام الوريث لإبني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟ إنت بني آدم وإبني مش بني آدم ؟ إنت أغلى الناس عند والدتك ويوسف نن عيني ومفيش أغلى من الضنا “.
وتابعت:” حط إبنك مكان يوسف هتقول برضه كله فى حبكم يهون بس أرجع واقولك إبني ربنا هيجبله حقه من اللى. إسمه عصام الوريث ده اللى ميعرفش أبجديات عمله، اللي بيستبيح حياة الشباب عشان يحقق الطبيعية المزعومة الغلط اللى حضرتك بتتكلم عنها”.
