القائمة الرئيسية

بالعامية اللبناني.. كتب محروم بن محروم..

03-04-2021, 22:05 نبيه بري وصديقه الصدوق رياض سلامة
موقع إضاءات الإخباري

وصلنا هذا المقال الذي ننشره كما ورد:

كتب محروم بن محروم:
يا ريت.

يا ريت لو قدر نبيه بري يوصل لرئاسة حركة  أمل مرة واحدة بس، من 1978 لليوم، كان ما ظل ولا محروم واحد.. 

يا ريت لو نبيه بري قدر يوصل لسدة رئاسة مجلس النواب مرة واحدة بس،... ما كنا لحقنا عالقوانين،
وعالتطور...كنا هلّق عم ننافس أمريكا مش اليمن وڤنزويلا والصومال... بس حظ ما في من سنة 1992 وهو بيخسر رئاسة المجلس... 

يا ريت لو ياسر بري بيقدر يكون نائب رئيس مجلس الإنماء والإعمار... ولو لمرة واحدة بس... كنا شفنا إعمار البقاع والهرمل والجنوب وعكار والمنية، بس من سنة 1992 لهلّق حظ ما في.... 

يا ريت رندا 51% قدرت تعمل جمعيات خيرية كان ما ظل فقير... كانت أكيد عملت استراحة ب صور للعمال التعبانين من قطف الزيتون والدخان هههههههههه 

يا ريت باسل بري قدر يعمل رئيس جامعة فينيسيا... ماكان تغرّب طلابنا ب مجاهل الكوكب والعلم كان للجميع وبأرخص الأسعار هههههههههه

يا ريت باسل بري مع ريان علي بزي قدرو يفوتوا سيارات الفراري واللامبورغيني عالبلد...منشان نشوف فورمولا 1 للمحرومين ههههههههه 
أكيد كانوا دفعوا للجمارك وما فوتوا السيارات على اسم الجمعيات... وكانوا ساهموا ب النقل العام... بس حظ ما في ...

لو رندا 51% أخذت شوية مشاعات كان زمان المحرومين ساكنين فيها وعم يزرعوها، ورجع لبنان أخضر مش أخطر .
هههههههههههه 

لو فَرَح نبيه بري قدرت تعمل سفيرة بقطر، كان زمان السفارة اللبنانية بقطر كلها خدمات أون لاين  وكان القطري واقف بالطابور ناطر، ڤيزا ع لبنان هههههههههههه
 وكان راتبها الشهري 30 ألف دولار راح ل 300 عائلة ب لبنان خاصة انها، بتقبض كمان 30 مليون ليرة ب مهمة ديبلوملسية... بس حظ ما في، ههههههههه 

لو هنادي بري قدرت تكون مديرة التعليم المهني... ما كان ظل شاب وشابة الا وتعلم واستلم مهنة هههههههه 

لو عاتكة بري قدرت تفوت ع وزارة الصحة كنا خلصنا من الأوبئة والتطعيم أول الناس ههههههههه 

لو نهيب بري (ناصيف سقلاوي)... حلو اسم نهيب... قدر يستلم الريجي أو حتى مجلس الجنوب...كان هلق في كهربا 24/24 وسكك حديد ومترو بس حظ ما في..... 

لو محمود بري قدر يكون محامي الدولة......كان جاب حقوق لبنان.... 

لو سعد بري كان رئيس المالية بالجنوب، كانت الناس بتعمل معاملاتها بدون خوة ونهب على كل معاملة!!.

لو بنت اختو ل نبيه بري السيدة ندى دكروب قدرت تفوت عالقضاء وتصير رئيسة معهد الدروس القضائية،كان زمان القضاء بألف خير.

لو زوجها ل ندى دكروب القاضي عفيفي قدر يستلم شوية ملفات، كان من زمان الفاسد بالحبس.

لو عبد الله بري... 
أو مصطفى بري...
لو أمل بري... 
أو جمال بري كانت مديرة بالضمان الاجتماعي، كانت وصلت للفقراء تعويضاتهم ومستحقاتهم

لو صهره أيمن جمعة.... 
لو صهره الثاني خليل ابراهيم...... 
واللائحة تطول وتطول وتطول ، 
ناهيكم عن أقرب المقريبن من المحرومين ،،، اللي بيستاهلو يسكنو قصور ويملكو أفخم السيارات والشركات والطيارات الخاصة ،،، 
فنوا عمرهم بخدمة الوطن وحركة المحرومين ياسين جابر ، وعلي حسن خليل، وأحمد بعلبكي، وعلي بزي ، وأبو خشبة ، وحسن فران، وأحمد حسين ومن بعدو خيرالله الزين،... و...و...و...و...و...و...
عنجد شي بيبكي شو صار بحركة المحرومين ،،، 
أدامهم الله فوق رؤوسكم !

إن الآراء المذكورة في هذه المقالة لا تعبّر بالضرورة عن رأي إضاءات وإنما تعبّر عن رأي صاحبها حصراً
شارك