القائمة الرئيسية

كتب علي شعيتو: باللبناني, خيي.  انا متلك جوعان ومش عم نظّر ع سماك

19-02-2021, 21:55 هتافات معادية للمقاومة في مظاهرات لبنان ,والسبب!!

كتب علي شعيتو: 

لِلّذين داسوا على ضمائرهم:

مش جريدة ، بس لازمة... 
شو قصتك بالظبط؟!!
جوعان!!!
وبدك تذكرني بإنو الجوع كافر!!!.. طيب وين ضميرك؟!!
هلأ هيك صارت المعادلة بوجدانك يعني!!!
أنا جائع إذن أنا بلا ضمير؟!!!
هيك صارت حياتك يعني؟!! أكل وشرب ومصروف!!
يعني الضمير والجوع مسألة نسبة وتناسب!!!
خيي ركّز ، بحلق، باااوع بالعراقي.. شوف المشهد كلو.. انت ما بيسوى تشوف من بطنك بس، ولا تضوج من مصطلح (مؤامرة).. لأنو هيي الحقيقة هيك.
طيب ، انت شايف الدول اللي عليها حرب اميركية وسعودية كيف صاير بشعوبها؟!!
انت صاير فيك متلن؟!!.. بشرفك احكي اللي شايفو مش ضميرك لأنو داعسو انت.
ليش عم تركز عالحزب؟!!.. رح تقللي عتب ومحبة وثقة؟!!
طيب، ليش بدك تعتب بذات الوقت اللي عدوك عم يتهم فيه  الحزب كمان؟!!!... مش كأنو هيك صرت انت والعدو عم تضغطوا سوا ؟!!!.. مش ضروري تصير عميل بهالحالة، بس منرجع للضمير.. شفت كيف بس تعطل ضميرك وين صرت؟!!.
خيي، هيدا البلد مركب تركيب، وإذا ببالك إنو الحزب قوي وقادر يفرض حالو بتكون غلطان، لأنو رح تلاقي الناس اللي عم تصرخ جوعانة رح تكون اول ناس بتوقف ضده.
اشكر ربك انو الحزب معوضك بالكرامة ، وبذات الوقت عم يساعد بقدر الاستطاعة وما تارك للجوع اللي هوي جوع بمعنى الجوع متل الدول الاخرى اللي حكيتك عنها انو يصير فينا بلبنان.
انا سمعت السيد بس قال انو اللي بدو يجوعنا رح يقتلو.. وانا بصدقو.. وكمان شفت الشعار اللي كان وراه بآخر خطاب (الم ق ا و م ة والناس) وكمان بصدقو..
خيي...
انا متلك جوعان ومش عم نظّر ع سماك ، بس عندي اصرار انو ضميري يضل موجود.. انا شايف كتير منيح انو اذا بدي طالب و نق و سب حتى، ما رح شوف الا الدولة واللي تزعمنا طيلة هالعمر واستفاد وما زال، مين ما كان يكون، بس الحزب ما رح طالبو الا انو يضل حامي ساحتي وما مخليني جرو عند حدا.
خيي ركّز.. ركّز.
#دكتور_تفي

شارك