جدك ما كان عنده براد  ولا سيارة  ولا يأكل لحم الا في المواسم  جدك عاش طول حياته بدون كهربا  وستك كانت تحمل الجرة على رأسها  وتعبي مي من النهر أو من العين    ستك كانت تغسل ع ايديها وما

 

جدك ما كان عنده براد 
ولا سيارة 

ولا يأكل لحم الا في المواسم 

جدك عاش طول حياته بدون كهربا 

وستك كانت تحمل الجرة على رأسها  وتعبي مي من النهر أو من العين 
 
ستك كانت تغسل ع ايديها وما كان  عندها غسالة

جدك وستك  كان اذا واحد  مرض منهن ما يعرف  طبيب  ولا يأخذ حبة دوا ، لشو الدوا؟ اذا مات واحد  منهن الله يرحمه خلصت حياته 

ياما مات أطفال لجدك وستك ، اكيد سمعت من أمك أو من بيك انو ستك خلفت 8أطفال لكن عاش منهم 4 أو 5 أو 3 ، موت الأطفال شي طبيعي 

جدك ما كان يعرف قهوة و لا مطعم ، ولا كزدرة على الكورنيش، انت لشو بدك تتبظبظ؟
ستك طول حياتها ما اشترت اكتر من ثوبين أو ثلاثة ، وما تشوفها الا وهي عم ترقع تيابها

بيك أو عمك أو خالك أو عمتك أو خالتك دخلوا المدارس؟ واذا دخلوا قديش تعلموا ؟ هياهن عاشوا وماشاالله
بدك طرقات مزفتة؟ أصلا...جدك كان يسمع بالزفت؟

بدك مي باردة ؟ اعمل متل جدك وعلق ابريق الفخار على الشجرة

بدك تشرب قهوة أو نسكافيه؟جدك بالكاد كان يحصل على فنجان شاي  بين أسبوع والتاني ويمكن بين شهر وخيو 
عم تشكي من قلة الشغل؟ جدك كان  يشتغل ست اشهر ويقعد ست اشهر بالبيت طول الشتوية

بدك تجوز ابنك؟ اعطيه أوضة عندك بالبيت 

بتحب جدك؟ عيش متلو 

ما تتفلسف ولا تتأفف 
وما  تتأسف  أحسنلك وأفضلك 
هيك قال السياسي